جمبرى بانية
المقادير
نصف كيلو جمبرى وسط او كبير
التتبيلة
...........
التتبيله بتاعه الجمبرى
ملح بسيط جدا لان الجمبرى مملح اصلا
فلفل اسود وكمون وكسبرة ناشفه وربع معلقة صغيرة كارى (البهارات تحطى على قد الكميه كتره يقلب لضده)
فصين توم مفرومين
معلقة مسطردة (ممكن الاستغناء عنها لو مش عندك)
ليمونه
الدقيق
انا حطيت فى الدقيق فلفل اسود وكمون وكسبرة ناشفه وكارى (طرف المعلقة الصغيرة)
البقسماط
حطيت جبنه رومى مبشورة ياريت تكون نعمه عن الى عملاها
ومعلقتين بقدونس مفروم ناعم جدا
البيض
بيضتين مربوبين
الطريقة
بعد ما نتبل الجمبرى بالحاجات بتعته هانسيبه قد نصف ساعه
ونحط الجمبرى واحده واحده فى الدقيق ونفضه كويس من الدقيق الزيادة ونحطه فى البيض وبعدها البقسماط وندوس شويه عشان الطبقات تمسك
وبعد ما نخلص نحطه فى الفريزر لو مستعجله وكل ما يقعد يكون احلى
بعد مادخل الفريزر وسقع قبل ما تطلعيه تكونى سخنتى الزيت اوى عشان ميلزقش فى الطاسه
اوعى تحرقيه
حطى الجمبرى واحده واحده ويقعد على كل ناحيه اقل من دقيقة بمجرد ما ياخد اللون الدهبى
ثم يرفع على ورق مطبخ لامتصاص المادة الدهنية الزائدة.
يوضع الجمبرى فى طبق التقديم، ويجمل بالبقدونس وشرائح الليمون يقدم مع أرز مفلفل أحمر
وده شكله وطعمه روعه طعم الجبنه مع الجمبرى رووعه ومقرمش مش طرى
منقوووووووووووول
لا اله الا انت سبحانك انى كنت من الظالمين
استغفر الله العظيم الذى لا اله الا هو الحى القيوم واتوب اليه
لا إلهَ إلاّ اللّهُ وَحْـدَهُ لا شَـريكَ له، لهُ المُلـكُ ولهُ الحَمـد، وهوَ على كلّ شيءٍ قدير
سُـبْحانَ اللهِ، والحمْـدُ لله ، ولا إلهَ إلاّ اللهُ واللهُ أكبَر، وَلا حَولَ وَلا قوّة إلاّ باللّهِ العليّ العظيم.
الرئيسية 
المنشورات 
أمس في 4:53 pm من طرف 
