مدام ... الف مبروك انتى حامل
لولولولوللوووووووووووووووووووووووووووووووووووووووووووى ...
(( فاصل من التهانى و الزغاريط و البكاء ....))
.
.
.
جرس تليفون بعد ساعتين ...
- دكتورة انا قلقانة
- ليه يا ست الكل ما الحمد لله انتى زى الفل
-أصل دى أول مرة ليا ... و قلقانة جدا مش عارفة المفروض أعمل ايه عشان أضمن سلامة ابنى ...
- ماشى يا ست الكل ... مفيش داعى ابدا للقلق ركزى معايا و انا هقولك ع كل حاجة
أولا .. لازم نهتم بصحتك ...
1-أكل الغذاء المتوازن والذي يحتوى على الفيتامينات التكميلية التي تحتوى على الحامض الفولى "الفوليك أسيد".
2- التمرينات الرياضية الخفيفة بشكل منتظم .
3- تجنب شرب الكحوليات، السجائر، والعقاقير المحظورة والحد من تناول الكافيين.
4- تجنب التعرض لأشعة أكس، حمامات الماء الساخن، حمامات البخار (السونة).
5- تجنب العدوى بالأمراض.
ثانيا ..
العناية طبيعى بتبدأ بعد الحمل ...
هتشرفينى مرة كل شهر .. تزيد لمرة كل أسبوع كل ما اقترب ميعاد الوضع،و هنعمل سلسلة من الفحوصات والاختبارات للتأكد من صحتك وصحة طفلك .. هنشوف الوزن و نتابع الضغط و ان كان فيه بروتين أو سكر فى البول ... و نشوف بالسونار البيبى و نتأكد من كل حاجة تمام .. مفيش داعى تقلقى خااااالص .. أى حاجة هنكتشفها بدرى و هنتعامل معاها ف وقتها ..
- ربنا يطمن قلبك يا دكتورة ... يعنى المعاد الجاى امتى ؟
-اربع اسابيع و تعدى على ... أو لو اشتكيتى من اى حاجة متستنيش يا تتصلى يا تيجى على طول
** العناية الدورية ضرورية جدا للمرأة الحامل .. لضمان سلامتها و سلامة الطفل ..
** الأفضل تجنب العقاقير بكل أنواعها فى الثلاث أشهر الأولى ما لم يصرح بها الطبيب
**بعض الحالات الخطرة تحتاج متابعة خلال فترات أقرب .. تأكد من سؤال الطبيب عن موعد الزيارة القادمة