اتفرج على خرافات الفيس بووك وتجار الدين والعقل

انا عارف ان موضوع النهارده غريب شويتين بس هى دى الحقيقه المره

انا واحد من مستخدمين الفيس بووك ومشترك فى جروبات وصفحات تصل الى المليون او اكثر من ذلك بكثير

وعند تصفحى لموقع التواصل الاجتماعى فيس بووك اجد كثيرا من الناس ينشرون صورا غريبه 

ويقعدوا يدعوا على اللى يشوف الصوره ويخلوه يقول مثلا

يارب تموت لو مقولتش سبحان الله

يارب جهازك يتحرق لو مقولتش سبحان الله

يارب تموت .. يارب تتشل .. يارب تتحرق .. يارب ... يارب ...

يارب ياخدكم يا بعده

ايه فى ايه مالك انت وهو وهى

فى ايه مالك ؟؟ ايه التخلف اللى بتعملوه ده

يعنى انا هوريكم مثال حى للى بقوله



دى صوره واحد ناشرها فى جروب يتعدى المليون عضو

حقيقة الصوره دى ان ده تمثال فى متحف فى فرنسا

قول سبحان الله ومش عارف ياعم اهدى بس اقول سبحان الله على ايه انت بتستخف بعقلى دا مجرد تمثال من الشمع

والمصيبه الاكبر انك تلاقى ناس بتدخل تقول سبحان الله  

دى اسمها تجاره باسم الدين عشان انت او انتى يبقى عندكوا متابعين وعدد الاعجابات عندكم يزيد تقعدوا تلعبوا باسم ربنا دا اكبر غلط وعقابه شديد جدا

نيجى بقى للى بيستخف بعقولنا

ادى واحد بيستخف بعقولنا وبقول ان دى بيضة الفيل لو اول مره تشوفها قول سبحان الله


يابن العبيطه

هو الفيل بيبيض اساسا الفيل من الثديات وبيلد مش بيبيض يا ساقط علوم رابعه ابتدائى

والاغرب من كدا بقى الكبيره يجيبلك الصوره دى ويقولك ثعبان شجاع ينقذ سمكه من الغرق !!!!!



ياخى ياريتها كانت بركت عليك وهى بتولدك

هتقولى مين هقولك الجاموسه اللى ولدتك

هو السمك بيعيش فين يا بن العبيطه

اكيد هتقولى فى المايه

طب اما هو بيعيش فى المايه ازاى الثعبان هينقذه من الغرق

روح اجرى غير البامبرز اللى غرق ده جاتك داهيه فى شكلك

اللى عايز اوصله فى الاخر

ان مش كل حاجه تنزل تصدقها لازم تحلل وتعقل الكلام

مش اى عيل اهبل يضحك عليك بخرافات زى دى

اشوفكم فى موضوع جديد