متى بدأت فكرة تبادل القمصان بين لاعيبة كرة القدم بعد المباراة
كاتب الموضوع
رسالة
احمد سامى المصرى صاحب المنتدى
عدد المساهمات : 9167 تاريخ التسجيل : 10/08/2010 العمر : 31
موضوع: متى بدأت فكرة تبادل القمصان بين لاعيبة كرة القدم بعد المباراة الإثنين 25 سبتمبر 2017, 8:44 am
عادة تبادل القمصان بين لاعيبة كرة القدم عادة قديمة بيرجع تاريخها لسنة 1931 لما فرنسا كسبت انجلترا لأول مرة في التاريخ واللاعيبة طلبوا أنهم يتبادلوا القمصان مع بعض بعد المباراة. سنة 1966 بدأ الموضوع ينتشر بشكل أكبر خصوصًا بعد رفض مدرب المنتخب الإنجليزي أن لاعبية فريقه يتبادلوا القمصان مع لاعيبة منتخب الأرجنتين بعد المباراة اللي جمعت بينهم في كأس العالم. فيه لقطة مميزة في تاريخ كرة القدم حصلت بعد فوز البرازيل على انجلترا 1-0 لما راح الجوهرة البرازيلية بيليه وطلب من أسطورة انجلترا بوبي مور أنه ياخد قميصه. عادة تبادل القمصان عادة رائعة وبتعبر عن الروح الرياضة طالما بتحصل بعد المباراة لكن لو حصلت بين الشوطين بتبقى مشكلة لأن الجماهير بتعتبر اللاعب اللي بيعمل كده بيبقى مش مركز في المباراة. ليونيل ميسي صرح لصحيفة صن البريطانية وقال: لست من نوعية اللاعبين الذين يطلبون تبادل القمصان .. طلبت القميص مرة واحدة حين قابلت زين الدين زيدان. لكن فيه لاعيبة بالنسبة لها تجميع قمصان المنافسين هواية زي المدافع الأمريكي جيف أجوس اللي عنده أكتر من 400 قميص مختلف وقال أن كل قميص منهم بيفكره بذكرى حلوة في مسيرته الكروية.
متى بدأت فكرة تبادل القمصان بين لاعيبة كرة القدم بعد المباراة