تعرف على اصل كلمة الغلباوي

هي مهنة قديمة إنتشرت فى مصر قبل عام 1868 أي ما قبل إنشاء أول كلية حقوق فى مصر.
وقتها كان بينتشر أمام المحاكم المصرية كشك يسمی كشك “الغلباوى” وده اللي كان ( المحامي ) قبل إنشاء كلية الحقوق، وكان الغلباوي في أغلب الأحيان بيكون أزهرى وفاهم فى بعض القوانين الشرعية والعرفية، دا غير طبعاً مهاراته الخاصة في الكلام والمجادلة لساعات طويلة، يعني “بيعرف يناهد” ويناكف ويطلع عين القاضی لدرجة ان احياناً القاضی كان بيؤمر ببراءة المتهم وحبس الغلباوی
ويُقال أن الناس فى الغالب كانت بتفضل “الغلباوى” الجعجاع عن الغلباوى اللى بيمتلك قدرة على الإقناع بالأدلة والبراهين،
وكمان على سبيل الدعاية كان الغلباوى بيحط يافطة أعلى الكشك من عينة” الدفع بعد البراءة والفرج” .. او ( لو كنت علی البراءة ناوی روح لفلان الفلانی الغلباوی )