التضخم ؟؟؟
ايه هو التضخم؟؟
ايه سبب التضخم؟؟
كيفيه حل التضخم؟؟
كلنا سمعنا عن التضخم وان فى ازمة تضخم فى مصر بس ايه هو التضخم ده اللى عامل مشكله فى مصر؟
التضخم ببساطه هو ان فى فلوس مع الناس اكتر من المنتجات اللى فى السوق يعنى
انت معاك 100 جنيه وفى عشر منتجات فى السوق يبقى المنتج الواحد ب10 جنيه طب لو انت بقى معاك 200 جنيه وفى فى السوق نفس عدد المنتجات 10 منتجات يبقى المنتج ب 20 جنيه هو ده التضخم زياده فى النقود مع ثبات او قلة الانتاج
طب ايه انواع التضخم ؟؟
1)تضخم حسب القدره
2)تضخم حسب السرعه
3)تضخم حلزونى
4)تضخم حسب الاسباب
5)تضخم هيكلى
6)تضخم خليط
التضم الحلزونى هو النوع الاقرب للتضخم فى مصر
والتضخم الحلزونى هو طلب الموظفين زيادة الاجور فبالتالى تزيد التكاليف وبالتالى تزيد الاسعار فيرجع الموظفين لطلب زياده فى الاجور وهكذا تستمر العمليه فى شكل حلزونى متكرر
طب ايه حل التضخم ؟؟
من وجهة نظرى قدامنا طريقتين واحده سريعه وواحده هتاخد شوية وقت
الطريقه السريعه ان جميع المصريين يضعوا جزء من مرتباتهم فى حسابات فى البنوك وده هيؤدى الى قلة الفلوس المعروضه فى السوق وبالتالى هيؤدى الى قلة الطلب على المنتجات فيبدأ المنتجين فى تخفيض اسعار السلع وينخفض المستوى العام للاسعار فيقل التضخم فى مصر
طب والطريقه اللى هتاخد وقت ؟؟
فى الطريقه دى هرجع لتعريف التضخم اللى هو زياده المعروض من النقد وقلة الانتاج اذا الحل هنا هو زيادة الانتاج مع عدم طبع نقود من قبل الدوله حتى يتساوى المعروض النقدى مع المعروض من الانتاج وهنا هتنزل الاسعار بسبب زيادة العرض مع عدم شراء المنتجات بكميات كبيره من الافراد بهدف تخزينها لان زيادة الطلب على المنتجات هيؤدى الى ارتفاع الاسعار مره اخرى وبكده هتختفى مشكلة التضخم
ارجو انى اكون افدتكم