ايه هى البورصه وهتفيد البلد فى ايه وانا هستفيد ايه وازاى اساعد فيها

البورصه

ايه هى البورصه وهتفيد البلد فى ايه وانا هستفيد ايه وازاى اساعد؟؟

البورصه هى سوق ثانوى للاوراق الماليه

يعنى ايه يعنى بعد ما الشركات المساهمه بتصدر الاسهم والناس يشتروا الاسهم اكيد الناس دى ممكن تحتاج اناه تبيع الاسهم اللى اشترتها فلازم يبقى فى سوق لبيع وشراء الاسهم دى والسوق ده هو البورصه


طب والبورصه دى هتفيد البلد فى ايه وانا هستفيد ايه ؟؟

البورصه بتفيد فى حالة ان الشركات هتطرح اسهم لزياده راس مالها وده معناه ان الشركه بتكسب وبتتوسع يعنى فى بطاله بتشتغل يعنى فى دخل مادى للمواطنين اللى شغالين فى الشركه دى معنى كده ان فى نمو اقتصادى وطبعا اللى بيشتروا الاسهم ويبيعوها بيستفيدوا من المضاربه دى فى حالة ان سعر الاسهم عالى واكيد بيتحملوا الخساره فى حالة ان سعر الاسهم نزل

طب ازاى اساعد؟؟

خليك ايجابى وشارك فى تمويل الشركات اللى فى البورصه وكل ما مشترياتنا تزيد الاقتصاد هينموا اكتر بس خلى بالك اشترى لما سعر الاسهم يبقى قليل واوعى تبيع اول ما السعر يزيد لانك بتهد كل اللى انت عملته لان اول ما السعر يزيد لو انت بعت الاسهم فى غيرك هيخسروا كتير لو سعر السهم نزل خليك ناصح وسيب الاسهم بتاعتك فتره حوالى سنتين تلاته والسعر هيزيد وكل ما تسيب الاسهم كل ما سعرهم يزيد وخلى بالك ان الاسهم دى تعتبر املاك ليك ولاولادك فى المستقبل