اربعه مسلمين ثبتوا مسيحى تخيلوا ايه سبب التثبيت

 


Michael Yousef Younan
النهاردة انا اتثبت يا جدعااااااااااااااان !!
كنت النهاردة شغال مع مصطفى فى منوف ، و خلصنا على الساعة 6:30 قبل الفطار ، و اتحركت علشان ارجع طنطا .. طبعا ماقولكمش على كمية اكياس البلح اللى لمتها من الناس اللى كانت بتوقفنى فى الطريق (على الرغم من انى كنت باقولهم انى مسيحى و خاللى البلح ده لحد تانى صايم) .. المهم !
عديت فى الطريق على قرية صغيرة بين شبين و طنطا ، و فجأة طلع قدام العربية 4 رجالة و وقفونى !!
انا فتحت شباك العربية و قلت لهم خير يا رجالة ؟ قالولى اتفضل افطر معانا و بيشدونى من ايدى جامد .. قلتلهم شكرا ، انا مسيحى و خاللى الفطار ده لحد يكون محتاج و جعان انا كدة كدة مروح البيت !!
و عينك ما تشوف الا النور يا مؤمن !!
الناس اتجننت ، يعنى ايه مسيحى ؟ احنا واحد .. و المصحف لازم تنزل تاكل معانا ، تلاقيك اصلا ماكالتش من الصبح علشان اخواتك المسلمين !!
يا جدعان يهديكوا يرضيكوا ، مافيش فايدة .. فين و فين بعد الحاح منهم و رفض منى ، اصروا انهم يدونى وجبة جاهزة .. و دى صورتها !!
--------------------------------------
مش هاقول كلام من عينة : هى دى مصر ، و احنا واحد و بتاع .. بس فعلا انا لقيت نفسى باعيط جامد و باقولهم بمنتهى السذاجة : مصر عمرها ماهيحصل فيها حاجة طول ماحنا كدة


ايه رأيكم فى البوست ده ؟؟ بلغوا السيسى ان مصر فيها رجالة .