ازاى بنسمع

" هُوَ الَّذِي أَنْشَأَ لَكُمُ السَّمْعَ وَالْأَبْصَارَ وَالْأَفْئِدَةَ قَلِيلاً مَا تَشْكُرُونَ " (المؤمنون:78)


ازاى بنسمع ؟!!! متقوليش الاذن اهيييه ^__^ كملوا معانا قراءة

باختصار الصوت عبارة عن موجات، الموجة بتفضل ماشية في الاذن لحد ماتوصل طبلة الاذن، تتنقل لعظام الاذن الوسطى ( الثلاثة ) المطرقة والركاب والسندان، فتحركهم بالتبعية

اخر عظمة فيهم ليها قدم اول مابيتهز بينقل الحركة الاهتزازية دى او الموجه للسائل الموجود فى قوقعة الاذن الداخلية،

مع اهتزاز السائل بيهتز غشاء موجود عليه عضو السمع ( organ of corti )
باهتزاز الغشاء ، تهتز الخلايا من تحت الطبقة الجيلاتينية وتولد اشارة كهربية تمشى فى الاعصاب

العصب السمعى هو عصب موجود في اخر تجويف الاذن بيتفرع لشعيرات صغيرة اوى شوية منها بيدخل الاذن الداخلية عشان يلقط الاضطراب اللى فيها وينقله المخ عشان يحولها لاصوات مفهومة.


الصورة بقا: اللى شايفينه فيها ده عبارة عن مجموعة الشعيرات اللى موجوده على الغشاء اللى اتكلمنا عنه فى عضو السمع

سبحان الله