مظهر شاهين لـ"دومة": "حرام عليك بلاش "قلة أدب"

مظهر شاهين، مقدم برنامج "مع الشعب"، على فضائية "صدى البلد"، استياءه من القوى الثورية التي دعت إلى الاحتجاج على قانون التظاهر الذي أقرته رئاسة الجمهورية الأحد الماضي، قائلاً بـ"انفعال": "حرام عليكم البلد بتشحت والناس مش لاقية تاكل، إيه قلة الأدب دي، ومين دومة ده اللي يهدد أمن البلد".

وطالب شاهين جموع الشعب المصري بعدم الانجرار خلف ما قال إنها شائعات تسعى لهدم مؤسسات الدولة وعلى رأسها وزارة الداخلية، مضيفًا: "خدوا بالكم من اللي بيقولكم الشرطة بلطجية والداخلية بلطجية والجيش معرفش إيه والمحاكمات العسكرية، في ناس من مصلحتها عارفة إن المدخل الوحيد دلوقتي تفكيك الدولة المصرية بالوقيعة بين الشعب والشرطة، بين الشعب والجيش، علشان نتفرق ويدخلوا يبلعونا وياكلونا كلنا مع بعض".
وأضاف: "مش 10 أشخاص يمشونا على مزاجهم في دولة مصرية تحترم فيه قانون يحترم فيه دولة عاوز تمشي قدام خطوة معدتش فلوس ناكل الاقتصاد منهار وبنشحت، والبيه واقفلي بيافطة في الشارع يقولي الحرية ومش عارف إيه والبلطجة اللي احنا فيها دي، واحنا مش لاقين ناكل، ما خلاص بقى في قانون مجلس شعب نوصل لانتخابات، وبعد كده ييجي رئيس ونستقر ونرجع نتكلم تاني ونقول عاوزين نصلح كذا، لكن ناكل الأول".