عدد المساهمات : 9167 تاريخ التسجيل : 10/08/2010 العمر : 31
موضوع: حل مشكلة المرور فى مصر الإثنين 08 أغسطس 2011, 12:29 am
كل يوم بنشوف الصور دى فى كل انحاء مصر وغالبا بيكون السبب الرئيسى هو ركن السيارات فى اى مكان او وقفة المكروباصات وقعدت افكر ملقيتلهاش غير حل واحد الجراجات
طبعا هتستغرب وتقول ايه علاقة الجراجات بالزحام المرورى هقولك هو ده الحل
احنا نعمل فى كل مكان بيكون فيه تجمع سيارات كتير جراج كبير مكون من مثلا 5 ادوار وجنبه جراج صغير دورين للميكروباصات وبكده هنخلص من الركنة والميكروباصات ونمنع الركنه فى الشارع عشان الشوارع توسع.
اكيد هتقول افرض ان الناس مش عايزه تركن فى الجراج لانه غالى اقولك مش غالى ولا حاجة ولا حد هيسيطر عليه لان الجراجات دى هيبقى فيها نظام الدفع الشهرى ده كرت بتدفع تمنه كل شهر ويكون مثلا 30 جنيه يعنى جنيه فى اليوم وبالكارت ده تركن فى اى جراج فيه النظام ده فى اى مكان فى مصر والميكروباصات يكون ليهم بردو كارت بس ميشتغلش غير فى الجراج الدورين ويكون مثلا ب 20 جنيه.
هتقولى ده ارخص من السيارات العامة اقولك لانهم مش هيركنوا فيه كتير يدوبك يحملوا الناس ويمشوا وبكده تتحل المشكلة المرورية ارجو انى اكون افدتكم وارجو من الحكومة المصرية تطبيق المشروع لحل ازمة المرور وشكرا .
((الموضوع حصرى من فكر الكاتب لمنتدى مصر ام الدنيا))
الرئيسية 
المنشورات 
أمس في 5:50 pm من طرف 
