بمميزات فريدة من نوعها آبل تطلق هاتفها المميز iPhone X بسعر 1000 دولار

◘ ساعة أبل Apple Watch  أصبحت الساعه رقم واحد في العالم .
متفوقة علي Rolex بنسبة رضا العملاء 97% ده لو مكنش 100%
- مش بس كده كمان أن الساعة بتقدر تشخص أمراض خطيرة زي AF
- انت كمان ممكن تعمل اتصال عن طريق wifi او Cellular المستخدمه داخل series 3
- وكمان بتتصل بالأسعاف ساعة المرض ده
هيتم إطلاق IOS 11 يوم 19 سبتمبر
----
◘ تم الإعلان عن iPhone 8 و IPhone 8 Plus
- هيكون بنفس تصميم و شكل iPhone 7 بس هيكون في اختلافات زي
1- ضهر الجهاز هيكون زجاج مع الالومنيوم و الاطار الخارجي .الستانلس ستيل
2- هيكون بمعالج - بروسيسور - A11 Bionic سداسي النواة  يعني مسمعش كلمه الايفون بتاعي بيهنج  و هيكون في 2 نواع و دول للاستخدام العالي مع الباقي علشان يوصل لكفاءه اعلي من اي جهاز ممكن تتخيله .
3- هيكون المعالج اسرع 50- 70% من معالج الـ 7 IPhone و GPU أسرع بـ 30% .
ده كا مضمون بشكل نسبي المقارنه الاخيره هتكون لما ينزل ان شاء الله علشان نقدر نقارن علي الطبيعه .
ـ
4- الكاميرا  تقريباً اتغيرت تمام كا اداء ودقه و بقت اسرع و اقل في استهلاك البطارية ودي حاجه مفيده جدا
بمعالج صور جديد وسينسور جديد 12 ميجا بكسل
وأعلى في استقبال الاضائه بـ 83%
الكاميرا بتصور فيديو 4K 60 fps
وتدعم التصوير البطيء 1080p 240 fps
مع دعم كامل للـ Augmented Reality
الشاشة هتكون مزودة بـ true tone
بتتكيف مع الاضاءه والالوان المحيطة
سماعات Stereo أعلى بـ 25% من الـ 7
و bluetooth 5 ويدعم الـ wireless charging
5- هيكون نازل ب 3 الوان هما - اسود و فضي - و الدهبي الجديد
6- روز الكاميرا الخلفية هيكون زي فريم معدني مشابه فريم بتاع الموبايل نفسه
7- الميزه الحلوه كمان , انه هيكون في شحن لاسلكي , دي حاجه ممتازه جدا و هنعرفهها بالتفاصيل .
ـ
ندحل بقي علي اختلافات الـ iPhone 8 Plus
هيكون بكامرتين 12 ميجا بيكسل
هتخليك تقدر تعمل زووم بنفس دقة الصورة
وتم تحسين portrait mode و قهوه الاضاءه بتاعته .
بجانب طبعآ البطاريه بقي زياده اكتر ساعتيين عن الايفون 7
ـ
◘ الأسعار هتبدأ
من 699 دولار 64 جيجا
وال Plus هيكون بسعر 799 دولار 64 جيجا
هيبدأ طلبه في 15 والشحن هيكون في 22 سبتمبر
----
الجديد في الموضوع و الي ناس مستغرباه
تم الإعلان عن iPhone X او IPhone 10
بشاشة Super Retina display OLED
بحجم 5.8 بوصة بريزليوشن 2046×1125
بحجم الجهاز كله
وتدعم HDR و Tap to Wake Up
تم ازاله الـ HOME Button والبصمة ( بمعني مفيش خلاص حاجه اسمها بصمه ولا زرار هوم) خلاص .
وإضافة Face ID التليفون هيقدر يتعرف علي الشخص وهيعمل unlock بمجرد متبص للتليفون ( يعني من الاخر بصمه بالوش ودي محدش هيقدر يفتح الموبايل غير لما تبصله ) عن طريق الـ IR Camera والتليفون هيقدر يعرف الشخص ويميزه ويتعلم من كل مرة تفتح بيها الجهاز ويحدث شكلك حتى لو لابس نظاره.
نسبة الخطأ ان حد يفتح الجهاز غيرك هي 1 في المليون والواحد ده هيكون توأمك
التليفون هيكون بكاميرتين زي الـ Plus ولكن بفتحة عدسة أكبر و OIS للعدستين
والكاميرا الأمامية هتدعم الـ Portrait Mode ( دي افضل حاجه من وجهه نظري انا ) بجد لان كانت لازم
سعره هيبدا من 999 دولار 64 جيجا
وهيكون متوفر في شهر أكتوبر
----
تم الإعلان عن Apple Watch Series 3
هتكون 70% اداء اعلي واستهلاك 40% للبطارية أقل
الساعة هتكون مزودة بشبكة اتصال وتقدر ترد علي التليفون منها ومش هتكون محتاج التليفون بجانب الساعه ( و دي ميزه كويسه جد )
وهتقدر تربطها بـ سماعات ابل وكل ده بنفس حجم 2 Series
الساعة هتبدا تنبه الناس عند ارتفاع نبضات القلب بدون نشاط
سعرها هيكون 399 دولار ومن غير اتصال 329 دولار
وأصبح سعر 2 Series ـ 249 دولار
هيبدأ بيع الساعة في 22 سبتمبر
----
تم الإعلان عن Apple TV 4K HDR
يدعم Dolby Vision ومزود ببروسيسور A10X
-ال Apple tv يدعم البث المباشر للمباريات والقنوات الفضائيه والاذاعي
سعره هيبدا من 179 دولار
ـــــ
مميزات تانيه و معلومات اتقالت في الموتمر
1- الايموشن ال emoji يمكن صناتعها عن طريق وجهك وارسالها . يعني تعملها بحركه وشك و تبعهتا للناس
2- اكسسوار جديد ممكن تشحن بيه الايفون والساعه وسماعات ابل لاسلكيا هيكون اسمه Airpower
3- افتتاح اول Apple Store في مدينه شيكاجو في اكتوبر المقبل
4-اصبح الايفون يدعم الشحن الاسلكى wireless Chariging
5- تقدر تسمع اكثر من 40 مليون اغنيه عن طريق Apple Watch بدون استخدام iPhone عن طريق Airpods
6- ايفون iPhone 10 سيكون مقاوم للماء والتراب مش ضد علشان الناس تبقي عارفه
7- عمل اقسام لتعليم الزوار علي منتجات Apple او خدمات Apple وكتابه الاكواد البرمجيه
8- الايفون مصنوع بالكامل من مواد صديقه للبيئه