عودة السياحه لمصر

انهارده هكلمكم فى موضوع مهم وهو عودة السياحه لمصر

طبعا كلكم عارفين فيلم همام فى امستردام بتاع محمد هنيدى

انهارده انا كنت بتفرج على البرنامج بتاع مدحت شلبى كان جايب الراجل اللى اتعمل عليه فيلم همام فى امستردام هو راجل مصرى عامل مشاريع كبيرة جدا فى هولندا والراجل ده عنده افكار رهيبة لعودة السياحة فى مصر .
الراجل قال ان اسبانيا فى 6 شهور بس بيزورها 70 مليون سائح واحنا فى 12 شهر بيجيلنا 14 مليون بس بس بس!!!!!!!!!!!!!!!

اسبانيا اللى عندها شاطئ ميجيش حتة متر فى متر من شرم بيجيلها ده كله واحنا اللى عندنا احلى شواطئ فى العالم واماكن غوص واثار بالهبل غير اللى لسه مطلعناهاش يعنى احنا لو اهتمينا بالدنيا اللى عندنا دى هنبقى يعنى الالو عالميا واغرب حاجة سمعتها انه كان قدامه سايح بيشترى شيشة البياع قاله انها ب 50 جنيه السايح اداله 100جنيه البايع رجعله نص جنيه الراجل اللى كان فى البرنامج جاب للبائع الظابط راح الظابط قاله خليه يسترزق المشكله اننا عندنا الناس بتضحك على السياح وبتكره السياح فى البلد اللى انا عايز اقوله ان معاملتنا مع السياح لازم تتغير